Banator, beste behin, twitter-en aurkitutako kontu batekin. Badago traola bat, #sidewalkmath, non partaideek haien herrietako espaloi, plaza eta bideetan, lurrean, klarionaz marraztu edo irudikatutako matematikako ariketak jasotzen dituzten. Batzutan ikusten da ikastetxera bidean egindako lanak direla, ikasleen jakinmina pizteko asmoz egindakoak-edo. Beste batzuk, berriz, pentsamendu matematikoa kalera ekartzearekin lotzen dute gaia. Covid-aren krisarkein, gainera, indarra hartu du, kanpoko eremuetan egiten den jarduera izanik. Ekimen polita, zalantzarik gabe.
Azken boladan, gainera, ikastetxeetan kanpoko eremuetan jardutea eskertzen dala kontuan hartuta, ideia mordoxka jaso dezakezuen bertan. Ez ahaztu, hala ere, lehenago ere heldu izan diogula patioan egiteko moduko proposamenei. Hemen eredu batzuk:
Gure ikastolan eraiki genituenak
Zuetakoren bat animatzen bada, klarionak atera, argazkia egin eta bertara bidali dezakezue. Ez dut ikusi euskaraz egindako proposamenik!
Bestela, beti erabili dezakezue leku hau erronka/desafio proposamenak jasotzeko eta zuen etxe edo geletara eramateko.
Oso maila ezberdinetako gauzak aurkituko dituzue bertan, eta beraz, esku artean darabilzuen ikasmaila edozein izanda ere gauza aproposak jaso ahal izango dituzue.
Hemen adibide sorta bat:
LH12rako moduko proposamenak
Zenbat laukitxo egongo dira txaplasten azpian? 
Saltoka-salotka, aurrera jarraitzeko eragiketa egin! 
Eskilarak banaka eta binaka igotzeko zenbat modu daude?
Bideo honetan ikus daiteke nola kalean matematika jarduera dinamikoei lekua egiteko aukera daukagun:
We made our own counting collection today. How many? Can you count them in another way? I love hearing Cole’s thought process when counting by 2’s.
— Melissa Burns (@burnsmelissa1) April 9, 2020
What can you count in your house or outside? #sd38learn #countingcollections #sidewalkmath #kindergarten pic.twitter.com/vpCSaMh3Hv
LH34-rako proposamenak
4koekin eragin beste zenbaki batuzk lortzeko 
Biderketa taula praktikatzeko 
Hazkundedun segida maitakorra
Elkarri desafioak asmatzen ere jarri ditzakezue ikasleak. Ikus irudi hau, bestela:
LH56/DBH12rako proposamenak
Azalera ezezaguna kalkulatuko, mesedez? 
Txaplastak zein zatiki ezkutatzen ote du, guztira 7 ale baditugu? 
1/8 markatzeko modurik proposatuko?
Goiko mailetarako proposamenak
Integratzeko lanetan!! 
Zatikiak idatzi itzazu, 1, osoa, unitatea, alea, batekoa lortu arte 
1-5 arteko zenbakiekin ea nork lortzen duen emaitza txikiena
Twitter-en arakatzen jardun gabe ere, badaude interneteko hainbat leku horrelako lanen kolekzioak jasota agertzen direnak.
Hemen daukazue horietako bat eskura. @traciteacher erabiltzaileak jasotakoak dira guztiak.
