Etxerako lanen eredu egokia iritsi zaigu etxera…nire ustez, noski! Gai honetan (ere) bete-betean erabili baitaiteke “zenbat buru, hainbat aburu” esaera!
Aurten etxean izan dugu horren eredua gure seme ertainarekin. Dena izan dut gustuko; aurkezpena, bidalitako lanen zerrenda, zerrendaren aniztasuna…
Hasteko, egokia iruditzen zait jarduera ezberdinak nahastuta egotea: garaiarekin lotura duten gauzez idaztekoak, eskulanak egitekoak, etxekoekin egotekoak, matematika egitekoak… Matematikarekin zerikusia duten jardueretan fokoa jarriz gero, gainera, ikusten da jasota daudela matematika manipulatiboaren oinarrizko ideiak: Jolasak badaude eta egoera errealekin lotuta jarduten da etengabe.
Gainera, hasierako esaldian ahalkera erabiltzeak, “ditzakegun” erabiltzean, alegia, nolabaiteko malgutasuna adierazten du.
Orrian dioena hobeto irakurri ahal izango duzue beste argazki hauetan:
