Gabonetan edo beste edozein garaietan oparitzeko moduko proposamenekin natorkizue. Ez dut, ordea, erosteko moduko jostailu edo jolas zerrendarik ekarriko. Hori erraz aurkituko baituzue Olgeta dendaren webgunean edo Aprendiendomatematicas.com helbidean edo Elkar sareko dendetan eta baita beste leku askotan ere. Mundu oso interesgarria izango duzue eskura. Logika, zenbakikuntza, neurria, eragiketak, geometria… aktibatzekoak eta beraz webgune honen helburuekin bat egiten dutenak zuzenean: Matematikak jolasaren bitartez lantzen ariko zarete.
Gaur hari horri heldu nahi diot nik ere, baina etxean eraiki daitezkeen jolasak oparitzea proposatuko dizuet.
Adin ezberdinetarako pentsatuta dauzkat, baina artikulu honetan txikienentzako proposamenak jasoko ditut. Beste bi artikulu ere aterako ditugu hurrengo astean, helduagoentzako ideiekin. Goazen besterik gabe zer eraiki dezakegun ikustera:
ZENTZUMENEN KUTXAK
Oso planteamendu ezberdinekoak egin daitezke. Ikus ideiak, eta aukeratu gustukoena!
Badaude ukitu, hartu, atera, sartu… libre ibiltzea helburu dutenak.
parentsplace.com.mx-en hartutakoa
Ariketa logikoa eskatzen dutenak ere eraiki daitezke:
Kutxa itsuak aukeratuz gero (ikusi gabe ukituz aritzekoak, alegia) barruan sartzen dena identifikatzera jolastu daiteke besterik gabe, edo bestela bikotekaketa, sailkapen edo ordenazio logikoak egiteko materialak sartu daitezke. Ondoren, ideia sorta bat:
Tapoi hauetan materialak itsatsi dira, binaka berdinak, eta ukituz bikoteak bilatzea da jolasa
Ukimenezko kutxetan kontuan hartu beharreko gauza bakarra, jasoko duen umeak gauza txikiak ahora eramateko arriskua da.
Barruan zer jarri erabaki eta gero, kutxa aukeratu eta apaintzea norberaren gustuaren arabera utziko dugu, noski!
“3 EN RAYA” JOLASA
Hau izango da kasu askotan lehenengo jasotzen duten mahai-jolas arautua. Eraikitzeko oso erraza izan daiteke, eta jolasa azkarra eta sinplea. Ikusi ereduak:
actividades.dibujos.net helbidekoa
stickets.com helbidekoa
manualidadesinfantiles.org helbidekoa
DOMINO JOLASA
Hau, aurrekoarekin batera lehenengo mahai-jolas arautuen zerrendan legoke.
chilcareland.com helbidekoa
elcosturerodeani.blogspot.com helbidekoa
latropacompleta.blogspot.com helbidekoa
ERAGIKETEN KUTXAK eta FIELTROZKO LIBURUXKAK
Hemen izango lukete lekua, baina jada egin ditugu artikuluak hauei buruz. Loturak eta argazkiak jarriko ditut, besterik gabe.
Lehenengo eragiketak egiteko kutxa (II)
Badaukazue non aukeratu. Beraz, bildu materialak eta aurrera!
2 comments
Los ejercicios propuestos son onteresantes. Me animan a ponerme manos a la obra y disfrutar con mis alumnos.
Author
Pues vuelves a dar en la diana con otra de las claves: el disfrute del profesor. Los niños necesitan guías que conozcan bien el camino a seguir, tengan recursos técnicos y materiales y también, en la misma medida, sepan gozar y disfrutar con las matemáticas. Eso último, en clase se nota…no tengo la menor duda.