Angeluen kontzeptua ezagutuz hasten da matematikaren ibilbide luze eta ederreko beste atal inportante bat; gerora trigonometria bilakatuko da eta bai DBHn eta baita batxilergoan ere asko sakonduko dute.
Angelu kontzeptua horrelako egoera batetik sartu beharko litzateke ume baten bizitzan:
mirinconcitodeapoyo.blogspot.com-en hartutakoa
Bere gorputzarekin irekiera ezberdinak esperimentatuz, alegia.
Eta hortik, zuzenean horrelakoak behatzera irtetea izango litzateke bikaina:
Behaketa honetan zenbait aspektu aterako dira seguruena:
- Irekiera ezberdinak daudela; hor izango dugu aukera zorrotz, zuzen eta kamuts hitzak aipatzeko.
- Angelu bat dagoen ia aldiro beste bat ere egoten dela.
Argazki honetan 90ºko angelua eta 270ºko angeluak daudela ikus daiteke.
- Irekieraren zenbatekoa, angelua, alegia, berdina izan daitekeela objektu txikiak edo haundiak izanda.
exchange.smarttech.com-en hartutakoa
Hauek denak behatu eta hitzetara ekarri eta gero, angeluak eskuekin eraikitzea izango litzateke egokia. Erregela eta arkatza edo plastilina izan daitezke egokiak, baina pai-paiak ere aukera ederra dira, angelu guztiak eraikitzeko ematen dituzten aukerengatik. Oso erraz egiten dira gainera:
