Aurrekoan baliabide digitalak aurkeztu nizkizuen artikulu baten. Tartean NRICH izenekoa aipatu nuen; Cambridge-ko Unibertsitateak sustatzen duen web orria.
Aipatu nizuen ez zela baliabide digitalen lekua soilik. Askoz konplexuago eta aberatsagoa da.
Izan ere, bertako matematikaren ikuspegia da ikaragarri gustukoa dudana.
Egoeren ebazpenetik eta edukiak jolasekin mobilitzatzetik jarduten dute nagusiki. HH, LH eta BHrako proposamenak dituzte; ikasle edo irakalseendako atalak dituzte. Egoera berdinen bertsio sakonago edo arinagoak planteatzen dituzte eta ebazpide ezberdinak jaso eta publikatzen dituzte. Jolasekin jolasa bera eta osteko analisia bilatzen dituzte.
Eta beti bilatzen dute arrazonamenduan sakontasunean urratsak ematea eta etengabe esparru eta edukien arteko loturak egitea.
Inportantea da webgunea arakatzea. Hainbat sarbide edo ikuspegi ezberdin eskainiko dizkizuet bideari ekiteko:
“Maths at home” atala
Covid19-a dela eta sortu dute. Etxean egiteko moduko jarduera sorta dago bertan, adineka sailkatuta.
Posterrak
Egoera eta jolasak esakaintzen dituzte oso modu erakargarrian aurkeztuta. Are gehiago, posterrak pdf formatoan deskargatu eta erabiltzen aukera ere ematen dute.
Udarako 26 proposamen
Uda honetan, egunero proposamena eginaz jardun dute. Bai LHrako eta bai BHrako. Horrela, bada, proposamen kolekzio dotorea geratu zaie.
LHko udako proposamenak eta BHko udako proposamenak
Etapen ikuspegitik sartzeko
3 esprru dituzte, lehenago esan dugun bezala.
- HHkoan jarduerak deskribatzen dituzte, lanketa moduak eta sakontzeko aukerak ere aipatuz.
- LHkoan ikaslearen eta irakaslearen lekuak daudek.
- BHkoan ere ikaslearen eta irakaslearen lekuak daude.
Eduki blokeetatik edo jolasetatik aztertzeko
Badauzkate eduki blokeen araberako filtroak edo jolasak direnak soilik aztertzeko filtroak:
LHko eduki multzoei begira eta BHko eduki multzoei begira.
Oinarrizko konpetentzien ikuspegitik jarduteko
“Be a mathematician” eta “Be a good thinker” dira horretarako esparru interesgarrienak. Atal honetan matematika eta pentsamendu trebezial lotzen dituzte, arrazonatzeko, argudiatzeko eta loturak egiteko gaitasunetan sakondu ahal izateko.
Curriculum mapak eskuragarri
Bukaerarako utzi dut ekarpen inportanteena dela iruditzen zaidana. Curriculum mapak eratu dituzte adineka eta lotutako jarduera eta proposamenak lotuz.
