Udatik udazkenera aldatu gara asko ez dela. Goiz goiztiarrak eta arratsa berantiarrak ilundu zaizkigu eta gorputza eta aldartea neguaren hotz, hezetasun eta iluntasunerako prestatzen-edo ari zaizkit, niri behintzat.
Azken artikuluaren datari begiratu eta ekainean egindakoa dela ikusi dut. Orain bai tarte zabala geratu zaidala!!
Ordua da, beraz, ikasturte berriko kontuei heltzeko.
Artikulu eta proposamen berriekin hasi baino lehen, hala ere, hona hemen udak matematikatik eman dituenak nire inguruan:
IKASTAROAK ARIZMENDI IKASTOLAN eta HIK HASIKO JARDUNALDIETAN
HH eta LHko irakasle talde bana elkartu ziren Arizmendiko Almenen matematiken inguruan jarduteko
FORMAK eta KOLOREAK
Harri hexagonala Lalastran
Uztaileko ilargi eklipsearen esferikotasun gorriztatua. (Argazkiaren egilea, Unai Busturia)
BOLARDOAREN MISTERIOA
Irudiko bolardoan 1, 12, 2, 13, 3, 9 kopuru-segida ageri zaigu. Patroi honen zergatien inguruko hipotesiak botatzeko proposamena egin zuen Tocamates.com helbidean jarduten duen Jose Ángel Murciak. Baita amuari hainbatek heldu ere! Telebista eta egunkarietan agertzera ere iritsi baitzen.
Hona hemen sortu zen hariari begiratua emateko lotura. Irribarre eta barreren bat ere piztu zidan hipotesi andanak. Denetarik topatuko duzue bertan!
TOURRA EUSKAL HERRIAN
Argazki esanguratsu honekin estimazioak egiten aritu ginen twitterren. 
MARIA ANTONIA CANALSen elkarrizketa
Maria Antònia Casals Gironako Unibertsitateko bulegoan. (Pere Duran/Nord Media)
Emakume honek esaten dituenak adi entzuten ditu nik beti. Izugarri gustukoa dut matematikaren bere ikuskera. Hemen facebooketik iritsi zitzaidan elkarrizketa.
ABNkoen 4. KONGRESOA eta ELKARRIZKETA
ABNaren sortzaile eta sustatzaileak martxa ederrean ari dira azken urteotan. Aurtengo udan 4. kongresoa egin zuten Zaragozan.
Eta ABN metodoa eta gelako aniztasuna lotzen dituen elkarrizketa hau ere irakurri ahal izan genuen.
Ikusten duzuenez, sare sozialetan arakatzen aritu naiz noiz behinka. Horrek ere bere denbora eskatzen baitu, eta udan zerbait badaukat lasai jarduteko denbora baita.
Ea, orain, ikasturte berriak zer ematen digun! Ongi etorri denok 18-19ra!!
2 pings