«

»

Jun 05 2017

Biderketa; gure algoritmoa vs beste modu batzuk

Ez al zaizue iruditzen biderkerta eragiketa “sinpatikoa” dela? Kenketak oso fama txarra duen moduan, biderketa positiboagoa da, ezta? Biderketa taulak ikasi beharra… horixe dauka oztopo.

Nire ikuspegitik  taulak buruz jakiteak asko laguntzen du buruzko kalkuluan eta, nola ez, biderketa konplexuagoei edo zatiketei heltzerakoan. Prozesua nola egin da kontua, beste behin. Izan ere “datorren asterako 4ko taula jakin behar duzu” esaldiak dantzan jartzen ditu etxeko kide denak taulak gora eta behera! Eta taulak ikasteak bai eskatu dezake momentu jakin baten memorizatzeko saio tradizional horietako bat egitea, baina epe luzera, asko erabiltzeak ekarriko du taulok benetan barneratzea.

Eta uste dut, hori berori ere egin daitekela jolasetik, eta batez ere, kontzeptua bistatik galdu gabe jardutetik.

Kontzeptuarekin laguntzeko inguruara begira jartriko gara; dendetara, etxera, kalera… Biderketa ekartzen duten egoera asko baitaude inguruan. Egoerok propio eraiki ere egin ahal izango ditugu.

4X2 edo 2×4 biderketa eukiko genuke hemen.

Ontza kopurua kontatzen hasi eta (3×10)x3 izango genituzke.

4×4 biderketa daukagu hemen.

Regletak, nola ez, kontzeptua azpimarratzeko saiakeran bidelagun izango ditugu, beste behin ongi baino hobeto islatzen baitute kontzeptua.

 Regletak erabili ezean, koloretako tapoiekin ere jokatu ahal izango dugu. Ondorengo irudietan, tapoi berdeak batekoak dira eta gorriak hamarrekoak. Ikusi argazki sekuentzian biderketa nola egiten den.

Regletekin bezala biderketa planteatuko dugu; marko gisa jarriko ditugu biderkagaiak.

 

Sortzen den espazioa beteko dugu. 1×1=1 dela, 1×10=10 eta 10×1=10 direla eta 10×10=100 dela jakinda bete dugu espazioa.

Markoa kendu diogu eta emaitza egiten duten kopuruak hartzen ditugu.

 

Kopuruak kontatzeko prest gaude. 10 bateko (10 tapoi berde) gorriarekin ordezkatzen dugu.

 

Hamarrekoa ordezkatu dugu eta azken kontaketa egiteko prest gaude.

Emaitza 182 da.

Biderketen eta taulen gaiari, hala ere, heldu izan diogu lehenago hemen, matematiketan-en. 

Hona hemen artikulu zaharrago horiek ikusteko loturak:

Biderketa taulak praktikatzeko bi jolas

Biderketa taulak praktikatzeko 3. jolasa

Batu, ken edo bider txikiak egiteko jolasak 

Biderketak mekanizatu…jolastuz

Gaur, biderketa luzeagoak egiteko gure algoritmoa  da aztertu nahi dudana eta aldi berean beste eragiteko modu batzuk badaudela gogorarazi nahi dizuet.

Ikus ditzagun argazkietako ariketak:

GURE OHIKO ALGORITMOA

Gure ohiko algoritmoa aztertzen badugu, zera ikusiko dugu:

  • Zenbakien zifrak biderkatzen ditugu, batekotik hasi eta azkenengo zifrara.

  • Ez du onartzen pausuen ordena aldatzea

  • Hamarreko txikiaren figura mantentzen du (batuketa eta kenketan daukan mekanismo bera dauka)

  • Lerroen desplazamendua egitea ezinbestekoa da emaitza zuzena lortzeko.

  • Zenbakiak ondo lerrokatzea ezinbesteskoa da emaitza zuzena lortzeko.

  • Emaitza nondik norakoa izango den jakiterik ez dago azken eragiketa egin arte.

  • Instrukzioetatik gehienak itsuan egiten dira, arrazoia jakin gabe.

    OAOA METODOA

 

 .

.

.

.

.

.

.

 

.

.

.

OAOA metodoan egiten dena aztertzen badugu:

  • Zifren posizioaren araberako balioa kontuan hartzen da biderketa egitean. Biderkatzen dena hamarrekoa edo ehunekoa edo batekoa den kontuan hartzen da, alegia.

  • Biderketa egiten nondik hasi aukeratu egin daiteke. Argazkietan adibidez, hamarrekoetatik hasi naiz, baina batekoetatik ere hasi nintekeen.

  • Azpikaldeko batuketak egiten ere nahi den lekutik hasi daitekeenez, lerrokatzeak garrantzia galtzen du azken batuketan.

  • Emaitzaren tamaina sumatu daiteke tartean ateratzen diren zenbakien tamaian ikusita.

  • Biderketa oso haundiak badira, ez dituzte eskuz egiten.

    ABN ALGORITMOA

.

 

 

 

 

 

 

 

ABN metodoan hau daukagu:

  • Biderketan parte hartzen duten zenbakiak deskonposatu egiten dira. Nik sistema hamartarra erabili dut erosoena egiten zaidalako, baina beste modu baten ere deskonposatu nitzakeen.

  • Aukeratu egin daiteke nondik hasi biderketak egiten.

  • Biderketa taula “zabalduak” jakitea eskatzen du. (2×3=6 izanda, 20×3 edo 200×30 egiten jakitea, alegia)

  • Biderkatzen diren kopuruek ez dute zentzua galtzen bidean. Hau da, 351€ren inguruko buruketa batekin ari bagara, biderketa egiten ari garen bitartean 300€, 50€ eta 1€ dauzkagu.

  • Lerrokatzen aritzeko beharrik ez dago.

  • Emaitzaren tamaina ere ikus daiteke nondik norakoa izango den azken kalkuluak egin aurretik.

Tira bada, ikusi duzue zein modu diferentetan egin daitekeen biderketa bat. Orain, zuen iritzia jasoko nuke gustura. Nik azken boladan gero eta grina handiagoa daukat Euskal Herriko ikastetxeetan beste algoritmo batzuekin jardutearen alde egiteko. Zer diozue zuek?

PartekatuShare on Facebook5Share on Google+0Tweet about this on TwitterPin on Pinterest0Share on LinkedIn0Digg this

6 comentarios

Ir al formulario de comentarios

  1. Maria

    Nik oso argi daukat, ABN algoritmoak askoz ere naturalagoak dira, horregatik zailtasun gutxiago sortzen dituzte.

    1. larana

      Ba zer esango dizut…ni GUZTIZ ados nago!Ea denon artean, bakoitzak bere lekutik bultzada on bat ematea lortzen dugun ABNei!

  2. Leire

    Kaixo,
    aspalditik ikusi dut ABN ri buruzko informaziaoa, baia ez dakit non jaso ahal dudan formakuntza. Badago Euskal Herrian lekuren bat ABN metodoa ikasteko? Edo online?
    Mila esker!!
    Leire

    1. larana

      Kaixo Leire
      Pozten nai idatzi duzulak oeta jada ABNen berri daukazulako ere bai. Oso jende gutxi aurkitu dut kontu honen jakinaren gainean dagoena!
      Webgune honetan egin ditugu hiruzpalau artikulu ABNei buruz baina nire asmoa da hurrengo hilabeteetan are gehiago jardutea honen inguruan. Orainartekoak ikusteko, webguneko bilatzailean ABN idatzi eta bertara eramango zaitu.
      Nik neuk oso, oso gogoko ditut aspektu askotan: zenbakikuntza lantzeko modua, eragiketak egiteko modua, LH bukareran eta DBHn %en ariketak, ekuazioeon ebazpena, diruaren buruketak eta denboraren kalkuluak ere denak forma berarekin ebazten dituztelako… Hala ere, zenbait aspektu ez zaizkit gustatzen; planteatzen duten ibilbideak oso, oso gidatua izaten jarraitzen du eta haur hezkuntzan umeak larregi “forzatzen” dituztela iruditzen baitzait.
      Ederto legoke gai honen inguruan irakurri dutenek haien iritzia ematea eta eztabiada moduko bat

      Kurtsotrik ba ote dagoen galdetzen duzu. Nahiko nuke nik neuk horrelako zerbait sortzea hurrenog hilabeteetan, baina denbora behar dut eta nahiko baliabide urria da niretzako momentu honetan.
      Jaime Martinez Monterok, ABN metodoaren sortzaileak, ez dela asko martxan jarri ditu online ikastaroak. “calculoabn.com” helbidean aurkituko dituzu. Nik bat egin dut eta konpletoa da, baina ikastaroaren egitura oso itxia iruditu zait. Moodel plataforman egin dute. Gauza asko dauzkate ikastaroan eta denbora kalkulatzean oso estu ibili direla iruditu zait. Benetan goitik behera egiteko denbora daukazunean izena emateko aholkatzen dizut. Bestela, hain ordenatuta ez egonda ere material eta baliabide asko eta asko daude debalde “algoritmosabn.blogsot.com.es” helbidean. Ea honekin nahikoa duzun.
      Bukatu aurretik, milesker zure ekarpena egiteagatik.
      Ondo izan
      LEIRE

  3. Aran

    Oso interesgarria idazten duzun guztia Leire. Galdera bat daukat, ABN algoritmoarena landu aurretik zenbakien deskonposaketa menperatuta izan beharko dute ba, Zein da momentu edo adinik egokiena horretarako?
    Eskerrik asko

    1. larana

      Kaixo Aran
      Zuk diozun bezala oso, oso inportantea da ABNen planteamenduan zenbakien deskonposaketa lantzea. Haiek HHko lehenengo urtetik hasten dute bidea (3 urteko gelatik); eta agian metodo osotik hori da gutxien enkajatzen duena nire ikuskerarekin, baina hala egiten dute. Gurera ekarrita, uste dut HH5 eta LH1en asko landu beharreko kontua dela. Hala ere, ohiko liburuetan ikusten dugun EHB egiturako zenbakien deskonposaketa baino sakonagoa da haiek proposatzen dutena. Zenbaki katearen ezagutza sakona, estimazio eta subitizazioa, deskonposaketa sistema hamartarrean eta askoz haratago… Badakizu zer egingo dudan? Hurrengo artikulua gai horri buruzkoa egingo dut, eta han luze eta zabal garatuko dut kontua hau. Zuk segi adi!

Deja un comentario

Tu dirección de correo electrónico no será publicada.

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*