Multiplo komunetako txikiena…regletekin

Egun batzuk dela, txaloka esperimentatu genuen multiplo komunek daukaten efektua. Orain gai berari helduko diot, baina regletak erabiliz jardungo dut. Eta egia esan, oso sinplea da kontua. Hasteko, regletekin multiploak nola atera aztertu beharko dugu. Argazkiak jarriko ditut ondoren, eta 3 eta 4 zenbakien multiplo komunetako txikiena zein den  ikusiko dugu.

20160228_19034720160228_190521

 

Multiplo kontzeptua nahiko bereganatuta izaten dute ikasleek MKT ezagutzeko garaira iristen direnean. Eztabaidatzekoa da, beste multiplo asko ere badaudela, baina ez ditugula hemen jarri.

Ondoren datorren bigarren pausuan egin dudan gauza bakarra, multiploak luzetara jartzea izan da. Nolabait esateko, multiplo horiek zenbatekoak diren kalkulatzen ari naiz.

20160228_19075620160228_190614

 

Hurrengo pausuan, multiploen zenbatekoa, regletetan daukan balioagatik ordezkatuko dut. Hau da, 3ren multiploak 3,6,9 eta 12 jarri baditugu, balio horietako regletekin ordezkatuko ditut. Gauza berdina 4, 8,12,16 zenbakientzako. Ikus dezagun zer geratu zaigun:

20160228_19083020160228_190700

 

Orain biak parez pare jartzen ditut:

20160228_191005

Berehala ikusten da laranja eta gorria dituen multiploa berdina dela bi aldeetan. Badakigu, beraz, multiplo komuna dela eta gainera txikiena. MAteriala izanez gero, hurrengo multiplo komunerarte iristea ere komeni da. Hau da, multiploak jartzen segi, (3ren kasuan 3,6,9,12,15,18,21,24,27… eta 4 ren kasuan 4,8,12,16,20,24,28…) eta ikusi nola 24an berriz ere egiten duten trill multiploek. Beraz, hurrengo multiplo komuna 24 izango da.

20160228_191135

 

Sekuentzia berdina egingo dut orain 4 eta 5 zenbakientzako, baina bi argazkitara laburtuta:

20160228_191422

5en multiploak, 5,10,15,20 eta 25 jarri ditugu. 4renak, 4,8,12,16 eta 20

20160228_191501

20koa bietan agertzen dela ikusten da. Hori da MKT deitzen dioguna.

  Bale, regletekin erraz egiten da. Beti egin behar da regletekin? Ba nire ustez, MKT lantzan hasten denean bai. Gero, berehala garatuko du MKTak buruz kalkulatzeko sena eta inoiz benetako MKT konplexu bat ateratzen bazaio, (eta oso, oso gutxitan gertatuko da!)  orduan jarri dezakegu ikaslea arau mekanikoa ondorioztatzeko lanetan. 

Nire ustez, ikasle batek ia seguru egin dezake ibilbide osoa MKTak ateratzeko ariketa modu mekanikoan egin gabe eta regletak edo buruzko kalkulua erailita. MKTak egitea zatikiak batzeko da ezinbestekoa, eta normalean erabiliko dituen zatikien multzoa, derrigorrezko hezkuntzan, oso mugatua izango da. 

Proba egiten baduzue, kontatu eidazue nola atera zaizuen!

Permanent link to this article: http://matematiketan.eus/2016/02/29/multiplo-komunetako-txikiena-regletekin/

4 comments

Skip to comment form

    • Fran on 5th martxoa 2016 at 9:21 pm
    • Reply

    Txaloka esperimentua eta sarera hau asko gustatu zaizkit; burutsuak eta parte hartzaileak iruditzen zaizkit.
    Pentsatzen hasita bapatean otu zait zatitzaileak lantzeko joku bat, baita ere parte hartzailea . Zenbaki bat emonda ikaslea mutzo bat egiten da. multzo horren kardinala aukeratutako zenbakia izan behar da.
    Gero ikasleei esan behar jake filetan eta zutabeetan kokatu behar direla. Eta fila eta zutabe guztiak beterik egon behar direla. Adibidez, zenbakia 12 bada posibilitateak honelakoak dira: 1 fila x12 zutabe, 2 filax 6 zutabe, 3 fila x 4 zutabe, 4 fila x3 zutabe, 6 fila x 2 zutabe, 12 fila x 1 zutabe,

    Kasu batzutan, zenbaki primoetan 2 posibilitate baino ez dira egongo.

    1. Ba idea ona! Izan ere regletekin zatiketak antzera egiten dira. Egitura karratu bete edo “konpletoak” eratuz. Apuntatuta geratu da; zatitzaileen gaia hartzen dudanean webgunean zure ideiaren argazki batzuk egin eta azalduko dut. Milesker zure ekarpenagatik!

  1. Baita erabili ahalko lirateke, zatitzaileak bilatzeko esan nahi dut, Ikea-ko sarreran egoten diren zinta metrikoak, paperezkoak dira.
    Asuntua izango litzateke moztea zinta zenbaki batek markatzen duen marratik; halako moldez non luzera jakin bateko segmentua izan baitezagun.
    Ondoko jarduera da tolesturak egitea, zati berdinekoak, akordeoi itxura emonez.

    Adibidez 21 cm-ko segmetu batez egin daitezken akordeoi motak honakoak dira: 21 tolesturakoa, tolestura bakoitza batekoa; 7 totesturakoa, tolestura bakoitza hirukoa; 3 tolesturakoa, tolestura bakoitza 7koa eta …

    Igual honek lagundu dezake be biderkaduraren proprietate trukakorra ikustarazten.

    1. Ba hori ere ideia ona!! 21cm-ren kasuan beharko genituzte eredu asko, konprobatzeko “kuadratu” 3ko eta 7koekin bakarrik egin daitekela. Kontua azken finean hau da; kontzeptu bera agertzen den modu eta aukerak aztertu eta erabiltzea, eta zure kasuan bezala hain manipulatiboa izandako proposamena, oso egokia iruditu zait. Milesker! Apuntatuta geratu hau ere.

Utzi erantzuna

Your email address will not be published.

*