Urt 16 2016

Gure haurrak eragiketekin hasten direnerako 7 arau

SUMAGure haurrek urte askotan egingo dute topo kontzeptu eta eragiketa asko eta ezberdinekin. Batuketa eta kenketak HHko azken urteetan eta LHko lehenengo urteetan; biderketak eta zatiketak gero; erroketak ere agertuko zaizkie halako batean;  zatikiak eta hauen arteko eragiketak, berreketak, logaritmoak eta abar luuuuze bat.

Bateren bat izutuko zen honezkero!  Lasai! Orain ez baitiegu denei heldu behar; ez eta gutxiago ere!

Bai nahi nuke, ordea, eragiketa berri baten aurrean haur bat jartzen dugunean zein ibilbide egitea komeni den zehaztea:

 

  • Pentsa eta aztertu dezagun haurra eragiketa horri aurre egiteko PREST DAGOEN; hala ez bada, beranduagorako utzi eta segi bidea prestatzen.
  • Lehenengo hurbilketa izan dadila BETI haurrarentzako ezagunak BENETAKO EGOERAK  aztertuz.
  • Bigarren pausua baten, erabili ditzala material ezberdinak, eskuekin ukitu ditzakeenak, eragiketak egiteko. (MATERIAL MANIPULATIBOAK esango diegu aurrerantzean)
  • PAPELEAN IDATZIZ  jarduten hasten denean, izan dadila alboan material manipulatiboak izanda, hala behar duen artean.
  • Aztertu dezagun eragiketa bera ikusteko eta egiteko MODU EZBERDINAK ba ote dauden, eta egin dezagun modu horien abstrakzio mailaren graduazio bat.
  • SAIHESTU  dezagun eragiketak zenbaki hutsez eta testuingururik gabe egitea.
  • Ez ahaztu beti asmatu, eraiki edo erosi daitezkela JOLASAK eragiketak egitea eskatzen dutenak. Askoz gusturago jardungo dute.

Permanent link to this article: http://matematiketan.eus/2016/01/16/gure-haurrak-eragiketekin-hasten-direnerako-7-arau/

Utzi erantzuna

Your email address will not be published.

*